标题: 转--爽(白话) [打印本页]
作者: amwipkhdwj    时间: 2010-9-9 17:06
标题: 转--爽(白话)
前晚同肥佬去海边钓鱼，只钓佐3条4～5指大的黄脚，还有无数baby(肥佬专搞baby），搞到1点回，极少去海钓钓咁多条鱼的他话成晚训唔着，晕！未见过大蛇喔屎！ 无办法，琴晚只好又带距去爽爽。6点落班，娜娜声返屋企食饭，执架餐出发，死了，对新的矶鞋先着佐3次，就开晒口了，成个底都要甩了，唉，又系的，呢排都无乜料到，我都叫肚饿啦，更何况对矶鞋？第一时间开车去帮衬补鞋佬，等得来都7点多了。本来想钓钓鲈的（因前天下表大佬钓佐条成百斤的美人鱼，心里痒痒的），就去白滕头买佐成斤沙虾，再买点红虫，接上肥佬，直奔目的地。 8点多到达目的地一睇，还在涨潮，但系水好浑浊，周围都无钓友（前晚几个），心想完了，咁的环境还有乜好搞？既来之则安之！好唔情愿的开竿，心想钓一阵，无料到就叫肥佬走人，因为昨天都无训几耐，好累啊！我开好竿挂上虫，劈落堤边，水流有d急，阿波带住钓组慢慢移动，浪打下打下，浮波在海面跳下跳下，移动做10米左右，突然个波唔见佐，稍等一下，一抽，中！还有d力度，2#硬调矶竿弓佐起来，慢慢的吧鱼拉到岸边，感觉不会很大，我用的是3#主2#脚，试下直接抽鱼上岸，一条4指黑立飞出水面，哈哈，掂！赶紧再挂虫落钓，还系漂到果个范围，还系重复之前的动作，又一条，再挂再中，此时肥佬还在搞距的钓组，见到我咁快起佐3条似d样的黑立，讲我系将个鱼钩直接放到鱼口入边的，我*！人地系讲技术架，唔见你掂？到宜家还在度搞竿！肥佬眼都红晒，钓组都未调好就匆匆落竿（后来验证佐，唔够灵敏，渔获当然比唔上我啦），又一条！更加羡慕死距啦。我在度解鱼，听到果边在度叫“哦哦哦。。。。。。。。”肥佬麦大个口得个窿，只见距的竿弯成n型了，肥佬拟住距支家伙大，线粗，直接飞鱼上来，一条3指黑立，乜野眼训好累全部九霄云外啰。此时开杆唔到半粒钟，跟住又静佐一排，期间上几条bb，放生。好快水就转流（琴晚水头无乜平流），换几个钓位，陆续又上几条，期间有2个细节要讲下的，有一次，人有3急，站在石头上，一手握竿，一手方便，就系咁奇怪的，鱼好似知道我开小差咁的，趁我正方便得欢的时候，突然偷袭，唔顾得咁多啰，用力一抽，中！先顶住，方便完链都唔得闲拉啰，上佐至讲！搞掂娜娜声拉翻条链，费事比人睇到破绽啦，哈哈。。。。。。。还有一次，等得无聊，拿个电话出来同人吹吹水先，突然间个波沉佐，一抽，拉唔郁，挂住地球了，唔理距，同靓女倾埋再算，条线松佐等d浪冲甩个钩再算，就咁样，试下试下冲甩未，突然底下有力拉住我支家伙，原来还有意外收获，无走鸡！ 钓到11点，见咬口少佐，可能系大鱼都跟潮水退到深海了，考虑到第二天一早要起床买送还要送女返学、上班，我叫肥佬收工，点知个只野唔肯走！我X，我无你咁挨得啊，12点你唔走我就自己走，到时你坐11路公共汽车返去就得了，都无几远，就30KM左右姐，11路公共汽车估计天光前都可以赶得到返去搞掂上班的，系咁话啦！继续钓，间中有料，我都要收杆了，突然又听到熟悉的叫声“哦哦哦。。。。。。。。。。”肥佬原来系咁叫的，哈哈。。。。。。。。只见距的竿又弓成n型了，距话原来以为挂地球了，点知过佐一阵识郁的！哈哈。。。。。。。。。还系果句：未见过大蛇喔屎！上佐一条差不多1斤个头的黄脚，我吃头胡，距吃尾注，公平！。刚好d虫又喂晒鱼，又到钟点，收工走人。 今晚水浊浪大，失晒身，沙虾1斤，黄黑1小批，损失2两虫仔，文采唔好，大家多多指教，多谢！去片～～ (, 下载次数: 13) (, 下载次数: 17)
作者: 怀念水桶果    时间: 2010-9-9 19:34
作者: -夜情    时间: 2010-9-18 19:09
某人顶？我来帮帮你```````



欢迎光临 (http://120.77.173.188:88/) Powered by Discuz! X3.3