本帖最后由 钦州白话大家倾 于 2014-6-4 07:17 编辑
大家好！《钦州白话大家倾》又出来搞搞阵了！
两天前的端午节，很多朋友都去看了龙舟赛，网上也是评论纷纷。龙舟赛已经二十多年没在钦州举行过了，今天我们就来听听一位“老钦州”对儿时钦江龙舟赛的回忆吧。
.....................搞搞阵的分割线............................
一、钦州人讲钦州英雄的故事：《刘永福传奇》大结局
《刘永福传奇》已经连载了三期，今天将迎来最后一集《终老钦州》。也许对历史感兴趣的人并不是很多，也许历史有时候会显得比较沉闷，但是我们觉得，轻松搞笑的话题要搞，严肃沉重的内容也要做，尤其是刘永福这样一位我们钦州本土的英雄人物。这应该是第一次有人用白话系统地讲述刘永福的故事并配上史料图片，所以有始有终，我们就来看完这最后一集吧，刘永福和冯子材居然还是亲家哦！
seconds left
二、我的钦州回忆：睇龙舟、忆钦州
seconds left
睇龙舟，忆钦州
文：阿炳 我係一只在钦州出生长大嘅80后，而家在外面做工，但係都经常关注钦州嘅信息，因为无论去到边啲，家乡始终都係心里面嘅一种牵挂。 个几日睇到网上讲钦州又开始办龙船赛了，虽然讲主办哋点蚝情广场我都未识在边啲，但係心情依然都好激动。因为龙船，使我谂起了好多儿时嘅回忆。 我细时候住在江边。住在江边个细老哥係好幸福个，因为好多嘢耍，又可以去睇发大水，又可以同啲船仔挥手拜拜，又可以落水游泳。不过，最开心嘅事情，都係五月初五睇龙船了。其实龙船比赛嘅过程我都冇係记得好清晰，因为当时我仲细都係得几岁嘢。印象最深刻嘅就係五月初五个日，河堤上全部都挤满人，大家都在啲加油助威叫好，细老哥生得矮冇睇得到，就坐上爸爸嘅膊头，睇到一条条船头嘅人在啲出力敲鼓，后边帮嘢出力锦划，觉得冇识几好洒。当时只只细老哥都识喃，氹氹转，菊花园，阿妈带我去睇龙船。确实，对于当时嘅我，能够坐在爸爸膊头睇龙船，係一件比考试得了双百分仲高兴嘅事。 但係好景不长，有一年嘅五月初五，钦州江上静悄悄到，一啲龙船塞嘅动静都冇有，大家都冇识係为咩。当时我好天真好肯定噉觉得，今年冇有，明年一定会有个，结果一等，就等了二十几年。 二十年时间，钦州同我都发生了好多变化。当年嘅钦州只係得条一桥，而家已经有了二桥三桥四桥；当年听讲钦州港开建，我折了条纸船仔装满泥放落钦州江，讲要送去建钦州港，而家钦州港已经变成了北部湾大港；而我，都早已经冇係当年坐在老豆膊头睇龙船无忧无虑嘅小朋友，而成为了一只背井离乡搵食养家嘅男人。不过无论钦州变得几大几威，吹得有几巴闭邓几巴闭，我始终觉得少了一种咩。只有每次回到河堤、中山路个啲老街嘅时候，睇到啲老师傅在街边帮人飞头发，听到啲阿公阿婆在啲倾计、唱粤剧，我正感觉到，原来啲正係最正斗嘅钦州。 所以，听到龙舟赛又重新举办嘅消息，真係觉得好开心，虽然讲冇係在钦州江上，但係能够重拾传统毕竟都係好事。仲有，古老嘅坭兴陶又重新开始得到重视，一条香焦糖、几张旧相片都能够引起网络好大嘅关注，白话又开始有人宣传，讲明其实好多人都係对钦州嘅传统同埋文化係有好深感情个。我哋係要不断接受新事物，接纳外来文化，但係并冇係讲我哋就要抛弃自己本土嘅传统同埋文化。无论几多外地人来到钦州，钦州都冇应该变成一只北方化嘅城市，因为岭南文化正係钦州真正嘅文化之根。 ...................... 搞搞阵的分割线...................
阿炳的故事是否也让你产生一些回忆和共鸣呢？钦州越来越现代化了，让我们钦州人更自信地把自己的文化发扬光大吧！
| 
[复制链接]
|客服电话:0777-3609360|触屏版|小黑屋|手机360|桂ICP备08003557号-1|
发表于 2014-6-4 07:13:48
QQ好友和群
QQ空间
腾讯微博
腾讯朋友
收藏
分享
淘帖
支持
反对
