从顺产到剖腹产，那个过程永远难忘怀，日记记录那仅有的一次幸福时刻！

tom8hu · 发表于 2011-4-20 16:00:19

2011年4月9日下午，宝宝准时出世啦！！再痛再辛苦都值得！！！四月八号晚仲话无反应，BB好淡定，谁知下半夜02:58痛醒，有D似来野嘅时候肚痛，当时我仲5肯定系咪宫缩，因为睇好多生产记都话好痛好难受，我觉得一般，但都系习惯睇下时间，期间去左过厕所大解小解，肚痛断断续续到五点左右又训翻。因为网上生过D人话要生嘅时候会想开大但无得开，所以我以为肚痛并5系宫缩痛。再一次痛醒，系8:23，今次比半夜痛D，我用力抓住老公只手，距醒左见我表情好痛苦，马上弹起身问系咪要生了，我话5G，等等睇下几耐痛一次，8:29又痛一次，我有D惊了，老公马上打电话通知拉叔准备开车去医院，通知去左晨运嘅奶奶，叫醒训紧嘅老爷，与此同时，因为急尿要去厕所嘅我，一企起身感觉到下面有野流出来，去厕所一睇，见红了，啉起网上话见红一日甚至两日先生得，所以我同老公讲未必今日生，应该无甘准时，5使去医院住，叫距摞卫生巾同干净嘅底裤俾我，但距坚持要去医院睇下，毕竟系预产期。奶奶好快翻到来，那那声叫我快D去医院，我坚持要食两个包再出发，本来仲想饮杯豆浆，但因为刚榨好，太热了。9:15左右出发去医院，短信通知左个妹，9:40到医院挂左急诊，10:00做胎监检查，期间已经四分钟痛一次，我啉我应该开始开宫口了挂，10:23待产室医生检查话开左但未知开左几多，不过叫我即刻换衫入产房，奶奶叫我食D包，食到一半又痛到傻下傻下，一只包仔分两次食完，入产房，原来入边仲有几个房间，系其中一间训满待产大肚婆嘅房间量血压，留尿液做检查，因为第一次着医院衫裤，我仲系厕所个镜前面用手机影左张产前照添，呵呵！10:40左右医生来帮我检查宫口，话保守估计已经开左五指了，OMG！！我仲想用无痛分娩添咖，我5觉痛得犀利啊，点会开得咁快嘅？5系前三指系痛到要生要S嘅咩？ 5G助产士还是医生了，叫我马上入真正接生嘅产房，入边有个好安静训系度待产嘅大肚婆，应该系用左无痛，我爬上张产床上，因为张产床好高啊。有人过来问我有寻晚到今朝有无大便过？E+想5想屙？我话半夜屙完了，5想屙了，距叫我痛嘅时候想屙就用力屙，如果5痛嘅话想屙都要忍住放松5好用力，讲完就走了，听落有D困难，我都无得屙了，咁痛嘅时候5想屙，到底用5用力呢？无几多时间我啉问题，因为已经两三分钟痛一次，真系好痛好痛，最后忍5住打左电话俾老公，大喊，又打左电话俾妈咪，其实我乜都讲5到，只能喊俾距地听，话俾距地G我好辛苦好痛，因为我需要听到距地把声鼓励我，个妹都好担心打过电话俾我，但我只能讲句“我无力讲野”就收线了。真系好痛好痛，我从“我想拉大便”到“我想拉”到最后“拉”，无力讲多两只字，助产士一直只答我“那你就拉啊”，生BB嘅时候真系5啉得顾得咁多，总之我大细都屙过几次了，不过量都好少好少，系我未有宫缩嘅时候助产士帮我抹汗，喂我食朱古力同饮红牛，问我食5食饭（老公买左饭盒俾我），但我食5落，距地话我好快就可以生的，话我宫口开得好顺利好快，叫我加油，不断教我用力同喂我食朱古力红牛，5食都俾距地闹到食，其实D助产士都几好。到11:45左右，我听见医生讲“八指了，准备B床，刀手准备好”，好快我见到推左系我左边嘅BB床，想象紧：医生帮我缝针嘅时候，睇住助产士帮BB抹身，分散注意力，可以减轻缝针嘅痛。12:30又听见医生讲“十指了，很好，我现在帮你人工破水，等一下只要感觉到宫缩，一定要比刚刚更用力，往肛门用力拉就对了。”，一股暖流，我知道系羊水流出来，我知道好快我就可以见到我个B了，即使已经痛到全身大汗又无晒力又饿，即使痛到扯头发、撞头，但只要一有宫缩，真系用意志力来出力，好几次用力用得5好俾医生闹，因为忍5住叫左出来又俾医生闹，大佬啊！我都5想咖！边个痛5叫咖,终于用啱力了，医生“很好，就是这样，坚持住，加油，再给点力，还是不够，再来一次，闭上嘴巴别漏气了”“怎么回事？再来再来，你宫缩还在，我还没看到BB的头，用力呀”“现在别用力，别缩回去呀！你怎么这样？不想生了吗？破水两个小时就必须生出了，否则宝宝就要缺氧很危险”，我睇左下墙上面嘅钟，已经14:00，仲剩翻半个钟，宫缩嘅时候，系我不断用意志力不断用力嘅时候，医生把声又来了“不够力，还是不够力，你不会希望宝宝是被钳出来的吧？再大力点！”“先别用力，没时间了，我看看能不能摸到宝宝的耳朵。”“叫了你别用力，刚刚又不用力…摸不到宝宝的耳朵呀…胎位还是太高了，根本没下来…摸不到耳朵我没法钳”，顶！！！我5G距系点摸BB，总之距只手搞到我想5用力都5得，而且宫缩太密了，宫缩一来自不然就用力了，已经14:40了，医生把声又来了“已经过了安全时间了，快点，来，用力，背一定要贴紧别起来，别扭，会伤到宝宝，坚持住”，试了三四次还是不行，突然助产士说“快两个半小时了”“不会吧？不是一点才破水的吗？”“十二点半破的”“那不可以等了，立刻手术”，跟住听见有人打电话叫手术室准备接应，有人又摞野叫我签字，我见到老公已经签好了，其实前前后后我都5记得签过几多份了，根本无时间睇无时间问，摞过来就签，有时一摞起笔就宫缩到想S，痛完再签。护士推左张车床过来，我已经开十指了，已经痛到可以任人宰割了，已经痛到神志不清了，距地居然“过来着床吧”真系想晕，但5晕得，系宫缩来之前，用仅剩嘅意志力爬过去，距地迅速推我出去，我想表现得平静D，点G去到产房最出面栋门嘅时候，宫缩又来了，因为知道要做手术了，可以叫出声，5忍了，真系惨叫出声，虽然痛不欲生，但5想俾出边等紧我嘅老公、妈咪、奶奶、妹、堂妹、婶睇到，用只手遮住个面，系印象中记得睁开眼一刹那见到最想见嘅两个人，妈咪同老公，仲听见医生讲“两位男士在前面拉车床，上七楼，快点”原来妹个BF都来左。手术室已经准备好晒，再次令我想晕但5咁晕嘅一把声“挪到手术床上吧”，再一次，我爬去另一张床，一上到去就俾人剥衫剥裤，光脱脱等汤，打麻醉嘅过程中因为宫缩用左几次力，又俾闹“现在这么好力，刚刚又不用力”“好了好了，马上给你打麻醉就不痛了。”“来，侧向左边，弯腰抱腿，抱紧，现在给你打麻醉”，好快，5痛了。观察左下个手术室，都5似电视上面果D嘅，一共有六七个人“侍候”我，先系我个肚度擦左N层应该系消毒嘅药水，跟住包保险膜（5G系乜，个样似保鲜膜），铺绿布，仲有个人5G用乜吉我只手又吉下个肚，问我痛5痛，痛嘅感觉一5一样，又吉下打比再吉下个肚皮，又问多次，反复几次后，最后有一块布挡系我面前，又听见医生讲“绑住她的手”感觉到双手俾人绑住，我想讲，张床真系好鬼S窄，我宁愿距绑住我两只手，如果5系会跌摞去。跟住个医生问我“你今年多少岁？”“27”“呵呵呵，不痛了吧，回答得很清晰很有力啊”（之前问过我，但我痛到无力回答）以为开刀会无感觉，但原来都有好清晰嘅感觉，只不过5痛，但都5舒服，觉得D内脏好似俾人拉扯出来…… 终于，我听见BB第一声叫，即刻眼泪流左出来，我个女出世了，我知道系女女，一听我就知了，我即刻问“皮肤不会像我一样黑吧？”护士个个都笑“是个小白，是个女宝宝”，呵呵！太好了！！我本来就想要女女，不过好奇怪，5系话医院要你自己睇BB性别个咩？点解我都未睇D护士就讲俾我听嘅？我觉得等左好耐都5见人抱BB俾我睇就问，护士话帮BB做紧清洗…后来我见到左手边，距地帮BB量身高体重，我个肉丸身高50CM体重3.65KG，果然系我嘅肉丸啊！！终于抱过来了，5似人地话嘅刚出世嘅BB皮肤又巢个样又丑，我觉得好靓好得意O(∩_∩)O，跟住护士俾我锡左下女女个头，好似锡豆腐一样啊，好软熟。如卸重任一样，成个人松晒，跟住落来嘅时间更难过，因为宫缩痛叫得太犀利，好颈渴好肚饿，但最快要六个钟后先可以饮水，放屁后先可以食D流质食物，好痛苦啊！！！生完后第一晚，我同老公都无训过，我系因为又饿又渴又想睇个女，但睇5到，距系BB车度，老公就成晚帮女女换片，八个钟饮左都无二十ML嘅奶，屙左六次胎便……